Terra Mia | 1977

Napule è mille culure
Napule è mille paure
Napule è a voce de’ criature
che saglie chianu chianu
e tu sai ca nun si sulo.

 

Napule è nu sole amaro
Napule è addore ‘e mare
Napule è ‘na carta sporca
e nisciuno se ne importa
e ognuno  aspetta a’ ciorta.

 

Napule è ‘na cammenata
inte viche miezo all’ato
Napule è tutto ‘nu suonno
e ‘a sape tutti o’ munno
ma nun sanno  a verità.

 

Napule è mille culure
(Napule è mille paure)
Napule è ‘nu sole amaro
(Napule è addore e’ mare)
Napule è ‘na carta sporca
(e nisciuno se ne importa)

 

Napule è ‘na camminata
(inte viche miezo all’ato)
Napule è tutto nu suonno
(e a’ sape tutti o’ munno).

 

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

‘Na tazzulella ‘e cafè
e mai niente ce fanno sape’
nui ce puzzammo e famme,  ‘o sanno tutte quante
e invece e c’aiuta’ c’abboffano ‘e cafè.

 

‘Na tazzulella ‘e cafè
c’ ’a sigaretta a coppa pe’ nun vere’
che stanno chiene ‘e sbaglie, fanno sulo ‘mbruoglie.
S’allisciano se vattano se pigliano ‘o cafè.

 

E nui passammo e vuaie e nun putimmo suppurta’
e chiste invece e rà na mano
s’allisciano se vattano se magnano ‘a città.

 

E nui passammo e vuaie e nun putimmo suppurta’
e chiste invece e rà na mano
s’allisciano se vattano se magnano ‘a città.

 

‘Na tazzulella ‘e cafè
acconcia ‘a vocca a chi nun po’ sape’
e nui tirammo annanzi che rulore ‘e panze
e invece e c’aiuta’ c’abboffano ‘e cafè.

 

‘Na tazzulella ‘e cafè
c’ ’a sigaretta a coppa pe’ nun vere’
s’aizano e’ palazze, fanno cose e’ pazze
ci girano, c’avotano ci iengono ‘e tasse.

 

E nui passammo e vuaie e nun putimmo suppurta’
e chiste invece e rà na mano
s’allisciano se vattano se magnano ‘a città.

E nui passammo e vuaie e nun putimmo suppurta’
e chiste invece e rà na mano
s’allisciano se vattano se magnano ‘a città.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Ma che puzza dinto a ‘stu vico
comme fa ‘a gente a campa’
cu ‘sta puzza sotto o naso
ca nun se po’ cchiù suppurta’
e chiamammo a quaccheduno
cca’ quaccosa s’adda fa’
simmo strunze o poco buone
forze è chesta ‘a verità
simmo strunze o poco buone
forze è chesta ‘a verità.

 

E s’è rotta ‘a sajettera
‘a gente scrive ‘e nummarielle
ma qua’ nummere e ‘a culonna
ce vo’ l’aiuto d’a’ Maronna.
Chi ce ‘o dice a San Gennaro
ma ‘a fernimmo cu’ ‘sta storia
cca’ scarzéano ‘e denare e s’adda campa’
cca’ scarzéano ‘e denare e s’adda campa’.

 

Ma nun da’ retta, ce sta chi ce penza
‘mmiezo a ‘sta gente ce sta chi ce penza.
Ma nun da’ retta, ce sta chi ce penza
‘mmiezo a ‘sta gente ce sta chi ce penza.

 

È passata ‘a prucessione
pure chesta è tradizione
se ne cadeno ‘e palazze
e a nuje ce abbrucia ‘o mazzo
‘a città è cchiù pulita ma ognuno mette ‘o dito
e nce vo’ magna’
‘a città è cchiù pulita ma ognuno mette ‘o dito
e nce vo’ magna’.

 

E l’America è arrivata
nce ha purtato tanti cose
so’ tant’anne e tanta storia
e nun se ne va
s’è pigliato ‘e meglio posti ‘e chesta città
mentre nuje jettammo ‘o sang’dinto ‘e quartieri e ‘a Sanità
mentre nuje jettammo ‘o sang’
dinto ‘e quartieri e ‘a Sanità.

 

Ma nun da’ retta, ce sta chi ce penza
‘mmiezo a ‘sta gente ce sta chi ce penza.
Ma nun da’ retta, ce sta chi ce penza
‘mmiezo a ‘sta gente ce sta chi ce penza.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Pulecenella mio
comme si’ cagnato
‘sta maschera nera t’a’ si’ levata
quanta dulure e quanta suonno d’ajere
ce sta chi dice
ca nun viene cchiù.

 

Ma nun è overo
ca ie so’ fernuto
e allucco pe’ tanto dulore
pe’ tanto dulore.

 

Tu nun si’ cchiù Pulecenella
facive ridere e pazzia’
mo t’arragge e pienze ‘a guerra
e nce parle ‘e libertà.
Tu nun si’ cchiù Pulecenella
facive ridere e pazzia’
mo t’arragge e pienze ‘a guerra
e nce parle ‘e libertà.

 

I’ allucco ogne minuto
ncoppa ‘e vocche d’ ‘e criature
ncoppa ‘e mane d’ ‘e signure ‘e ‘sta città
pe’ chesta miseria ca nce sta ‘nzino a dinto ‘e recchie
e nun ce lassa manco ‘o tiempo
e nce guarda’.
Ma a chi stammo aspettanne
pe sténnere ‘sti panne
‘e parole nun fanne rummore
nun fanne rummore.

 

Tu nun si’ cchiù Pulecenella
facive ridere e pazzia’
mo t’arragge e pienze ‘a guerra
e nce parle ‘e libertà.
Tu nun si’ cchiù Pulecenella
facive ridere e pazzia’
mo t’arragge e pienze ‘a guerra
e nce parle ‘e libertà.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Maronna mia, Maronna mia
se so’ arrubbato ‘e sorde
comme faccio, comme ‘a metto a nomme
so’ state duje guaglioni, duje guaglioni muccusielli
s’hanno arrubbato ‘e sorde e pure ‘aniello.

 

Maronna mia, Maronna mia
era ‘a primma mesata
chi ce ‘o dice, chi ce ‘o dice ‘a casa
si ll’ancappo? si ll’ancappo
saje che succede
nce faccio ‘o mazzo tanto!

 

Maronna mia, Maronna mia
era chillu guaglione
Ueh! viene ccà, viene ccà, nun fa’ l’indiano
che faje abbede’, faje abbede’ ca nun saje niente
ce steve tutta chesta gente
ma che succede, chesta gente nun me vo’ aiuta’
è gente ‘e niente
è gente ‘e niente.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Saglie, saglie
cu’ ‘sta sporta chiéna d’aglie
si nun saglie e scinne
tutta ‘sta robba nunn ‘a vinne.
Saglie, saglie
cu’ ‘sta sporta chiéna d’aglie
si nun saglie e scinne
tutta ‘sta robba nunn ‘a vinne.

 

Sole, sole d’oro
‘a matina me daje forza
mentre attuorno tutto more
quanti vote ‘mmiezo ‘e mane
‘mmiezo ‘e mane aggio guardato
quanti cose aggio perduto
quanti cose aggio truvato.

 

Saglie, saglie
cu’ ‘sta sporta chiéna d’aglie
si nun saglie e scinne
tutta ‘sta robba nunn ‘a vinne.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Comm’è triste, comm’è amaro
sta’ assettato a guarda’
tutt’e ccose tutt’e parole
ca niente ponno fa’.
Si m’accido ie aggettato
chellu ppoco ‘e libbertà
ca ‘sta terra che ‘sta gente
‘nu juorno m’adda da’.

 

Terra mia, terra mia
comm’è bello a la penza’
terra mia, terra mia
comm’è bello a la guarda’.

 

Nun è overo non e’ sempe ‘o stesso
tutt’e juorne po’ cagna’
ogge è deritto, dimane è stuorto
e chesta vita se ne va.
‘E vecchie vanno dinto a chiesa
cu’ ‘a curona pe’ pria’
e ‘a paura ‘e chesta morte
ca nun ce vo lassa’.

 

Terra mia, terra mia
tu si’ chiena ‘e libbertà
terra mia, terra mia
i’ mo’ sento ‘a libberta’.

 

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Che calore, che calore
comme coce ‘o sole
s’è miso justo ‘ncapa
‘e nun ce fa fatica’.

 

Che calore, che calore
stongo tutto surato; è meglio
ca levammo mano
nun ce sta niente ‘a fa’.

 

I’ mo moro cu’ ‘stu calore
nun me fido cchiù
stongo una zuppa ‘e surore
e si m’arraggio nun fatico cchiù.

 

Che calore, che calore
dice ‘a chiattona
saglienne ‘e grare nun ce ‘a fa.

 

Che calore, che calore
dice ‘o guaglione
si se scassano ‘e tazze l’aggio ‘a pava’.

 

I’ mo moro cu’ ‘stu calore
nun me fido cchiù
stongo una zuppa ‘e surore
e si m’arraggio nun fatico cchiù.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Chi po’ dicere ca sto murenno
chi po’ dicere ca so’ cuntento
chi po’ dicere ca sto sbaglianno
parlanno male ‘e tutte chisti anne
tantu tiempo ma nce penzo ancora
chella nun era ‘a strada buona
chi me dice ammore
rispongo dulore.

 

Chi po’ dicere dimane vengo
e aspiette tutta ‘na vita
e t’accuorge ca nun aje capito
e nun te po’ cchiù passa’
chi me dice umanità
rispongo ammore ammore ammore.

 

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Furtunato tene ‘a rrobba bella
e pe’ chesto adda allucca’
è ‘na vita ca pazzeja
p’e vie ‘e chesta città.

 

Saluta ‘e ffemmene a’ncoppa ‘e barcune
viecchie, giuvene e guagliune
ce sta chi dice ca è l’anema
‘e chesta città.

 

Furtunato tene ‘a rrobba bella
Furtunato tene ‘a rrobba bella
Furtunato tene ‘a rrobba bella.

 

Nun è cchiù comme ’na vota
ma ogne tanto se fa senti’
cu’ chella voce ca trase dinto ‘o core
e te fa murì.

 

Cagnano ‘e ffemmene
cagnano ‘e barcune
e isso saluta senza penza’.

 

Napule è comme ‘na vota
ma nuje dicimmo ca adda cagna’.

 

Furtunato tene ‘a rrobba bella
Furtunato tene ‘a rrobba bella
Furtunato tene ‘a rrobba bella.

 

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

‘Ncoppa l’evera ca addore
se ne scenne ‘e culure
e cammina ‘o vicchiariello sotto ‘a luna
quante vote s’è fermato
pe’ parla’ cu‘ qualcheruno
e nun ce sta mai nisciuno
che se ferma po’ senti’.

E cammina, cammina
vicino ‘o puorto
e rirenno pensa a’ morte
se venisse mo fosse cchiù cuntento
tanto io parlo e nisciuno me sento.

Guardando ‘o mare penso a Maria
ca’ mo nun ce sta cchiù
so’ sulo tre anni e ce penso tutte ‘e sere
passo ‘o tiempo e nun me pare overo.

E cammina, cammina
vicino ‘o puorto
e chiagnenno aspetta ‘a morte
sotta ‘a luna nun parla nisciuno
sotta ‘a luna nisciuno vo’ senti’.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

‘O padrone nun va’ duje sorde
dice sempe ‘e fatica’
e nuie ce magnammo ‘o limone
pe’ duje sorde ca ce dà
pe’ duje sorde ca ce dà.

 

‘O padrone ogg’è venuto
nce vuleva parla’
stateve accuorto cca’ zompa tutt’e cose
e ‘na botta nce ha cugliuto lla’
e ‘na botta nce ha cugliuto lla’.

 

Quanta luce cchiù miseria nun ce sta
‘mparaviso se sta buono
senza nisciuno ca nce po’ cumanna’.
Quanta luce cchiù miseria nun ce sta
‘mparaviso se sta buono
senza nisciuno ca nce po’ cumanna’.

 

‘O Signore nun va’ duje sorde
dice sempe ‘e pria’
e priate ‘a Maronna
ca ‘ncoppa ‘a terra po’ cagna’
ca ‘ncoppa ‘a terra po’ cagna’.

 

‘O Signore ogg’è venuto
nce vuleva parla’
ma che ve site miso ‘ncapa
‘mparaviso s’adda fatica’
‘mparaviso s’adda fatica’.

 

Quanta luce ‘mparaviso nun se po’ sta’
nemmeno muorto stammo buono
manco ‘o limone nce putimmo magna’.
Quanta luce ‘mparaviso nun se po’ sta’
nemmeno muorto stammo buono
manco ‘o limone nce putimmo magna’.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority

Chiove ‘ncoppa a ‘sti palazze scure
‘ncoppa ‘e mure fracete d’a casa mia
tutt’attuorno l’aria addora ‘e ‘nfuso
chi songh’io, chi songh’io
ce cammine mmiezo ‘a via
parlanno ‘e libertà
parlanno ‘e libertà.

 

Sta durmenno senza tiempo
‘nu ricordo ca nun penzo cchiù
ma che succede io sto chiagnenno
penzanno a ‘o tiempo ca se ne va
‘e cammine ‘mmiezo ‘a via
parlanno ‘e libertà
parlanno ‘e libertà.

 

Music & Lyrics: PINO DANIELE

---

All Rights Reserved.
Any unauthorized copying, reproduction, hiring, lending is strictly prohibited
© EMI Music Publishing Italia Srl
CONTACT Licensing authority